आजको वचन ( २ इतिहास १५)

  

२ इतिहास १५ मा अजर्याह अगमवक्ता यहुदाका राजा आसालाई भेट्न गए । यहि किताबको १४ अध्यायको ११, १२ पदमा आसाको दर्शन के हो भनि थाहा लाग्छ । उनले  जीवनको अस्तित्व परमेश्वरमा मात्र पाउछन् । राज्यको भविष्य परमेश्वर बिना देख्न सक्दैनन् । १५ अध्यायमा आएर अजर्याह अगमवक्ताले आसा राजासँग अति महत्वपुर्ण कुरा भन्छन- तिमीहरूले उहाँलाई खोज्‍यौ भने, उहाँ तिमीहरूबाट भेट्टाइनुहुनेछ। (२ पद) अलि अगाडिको पदहरुमा यो पनि भनेको छ कि तिमीहरुले अरुहरूलाई अत्याचार गरेकाले त्यसको बदलामा दुःख पनि भोग्नु पर्यो ।

वर्तमान समयमा यो वचनलाई कसरी लागु गर्ने ? आजभोलिको जमानामा अत्याचार गर्नेहरुको झन फलिफाप भईरहेको झै लाग्छ । हैन र? तर याद गर्नु पर्ने कुरा के हो भने परेमश्वरको दृष्टिमा मानिसको अत्याचारको लेखा अवश्य हुन्छ र त्यसको बदला लिने काम परमेश्वरले गर्नु नै हुन्छ । यसको समयको निर्क्योल हामी सक्दैनौं ।

यो अध्यायको मुख्य जोड ८ पदमा पाउछौं । अजर्याहको अगमवाणीले आसाको जीवनमा साहश बढेको छ । अगमवाणीले जहिले पनि हामीलाई वचनको प्रकाश दिदछ । यसले चेतावनी र उत्साह दुवै प्रदान गर्दछ । अजर्याहले आसालाई दुबै कुरा भनेका छन् । यदि तिमीले खोज्यौं भने भेटाईनेछौं र त्याग्यौं भने बरालिनेछौं ।यो संदेशले आशाको जीवनमा साहस बढ्यो । अगमवाणी सधै रसमलाई खाएजस्तो नलाग्नसक्छ । कतिपटक त यो करेला जस्तो तितो लाग्ला तर याद गरौं यसले तपाई हाम्रो आत्मिक स्वास्थ्यको निम्ति लाभ गर्छ । हामीले के पनि भुल्नु हुदैन कि आसा राजाको जीवनमा परमेश्वर हुनुभएको देखेर इस्राएल जो आसाको विरुद्धमा थिए, उनीहरुका मानिसहरु पनि आसाको पक्षमा आए ।

आज मण्डलीमा परेमश्वरको वाणीको खाँचो छ । मानिसहरुले परेमश्वरको आवाज सुन्नुपरेको छ ।